13.8.2008 23:02:00 | Höf.: Haraldur A. Haraldsson

NES2008 - Ráðstefnulok
Í dag lauk alþjóðlegu ráðstefnunni Ergonomics is a lifestyle eða Vinnuvistfræði er lífsstíll sem stóð yfir 11.-13. ágúst 2008. Ráðstefnan tókst vel í alla staði og var undirbúningshópurinn mjög ánægður með fjölda þátttakenda sem var 220 manns frá 24 löndum. Ljóst liggur fyrir að vinnuvistfræði er stöðugt að ná athygli fleiri faghópa sem er ánægjuleg þróun.

Undirbúningshópurinn vill þakka fyrirlesurum fyrir þeirra framlag og ráðstefnugestum fyrir ánægjulega samveru. Þá er styrktarfyrirtækjum einnig þökkuð veitt framlög. Styrktaraðilar voru eftirfarandi: Félag íslenskra hjúkrunarfræðinga, Iðjuþjálfarafélag íslands, Batteríið ehf. Arkitektar, Vinnuvernd ehf., Hagkaup, Mjólkursamsalan, Alhliða pípulagnir sf., Faglagnir ehf., Víking björgunarbúnaður, Vinnueftirlitið og Samtök atvinnulífsins.

Eftirfarandi fyrirtæki voru með sýningarbása/kynningar: Optergo AB, Kine, Rannsóknastofan Sýni ehf., Eirberg ehf., Rekstrarvörur, Noldus Information Technology og VST-Rafteikning hf.

Á lokadegi ráðstefnunnar héldu Karen Jacobs, Svafa Grönfeldt og Tom Stewart erindi auk þess sem danshópurinn HVIK bauð upp á dansatriði.


Dr. Karen Jacobs Prófessor í iðjuþjálfun við Boston University.


Svafa Grönfeldt rektor Háskólans í Reykjavík


Tom Stewart forseti Bresku vinnuvistfræðisamtakanna.


Danshópurinn HVIK