Eitt af markmiðum Vinnuvistfræðifélags Íslands er að efla og kynna vinnuvistfræði á Íslandi. Óhætt er að segja að Hildur Friðriksdóttir, fjölmiðlafulltrúi stjórnarinnar hafi skilað einstari vinnu við kynningarmálin í kringum ráðstefnuna. Hér að neðan gefur að líta þá fjölbreyttu umfjöllun sem ráðstefnan fékk í íslenskum fjölmiðlum. Með því að smella á slóðirnar er hægt að hlusta á viðtölin eða lesa fréttirnar sem um ræðir.

• Í Fréttablaðiðinu mánudaginn 11. ágúst 2008 á bls. 12 birtist viðtal við David C. Caple forseta Alþjóða vinnuvistfræðisamtakanna um m.a. gagnsemi vinnuvistfræði.

• Í Morgunútvarpi Rásar 1 sama dag var rætt við Berglindi Helgadóttur og Ástu Snorradóttur:
  

• Þriðjudaginn 12. ágúst var rætt við Margréti Einarsdóttur doktorsnema í Samfélaginu í nærmynd um vinnu ungs fólks á Íslandi.

• Samfélagið í nærmynd gerði ráðstefnunni síðan enn betri skil degi síðar síðar þ.e. miðvikudaginn 13. ágúst, en þá var rætt við Mikael Sallinen, einn af lykilfyrirlesurum ráðstefnunnar um Svefnleysi og þreytu í 24 stunda þjóðfélagi.

• Í sama þætti var einnig rætt við Margréti Dóru Ragnarsdóttur, sérfræðing á vefdeild Símans um norrænu vinnuvistfræðiverðlaunin sem síminn hlaut fyrir árið 2008.

• Rætt var við Ástu Snorradóttur í Sjónvarpsfréttum 13. ágúst um konur og örorku.

• Þann 14. ágúst 2008 var á bls. 6 í 24 stundum, fjallað um rannsókn Guðbjargar Lindu Rafnsdóttur á sjálfræði og sveigjanleika í starfi.

• Þann 15. ágúst 2008 var frétt á bls. 6 í Morgunblaðinu sem byggði á viðtali við Kristinn Tómasson þar sem fjallað var um tíðni vinnuslysa meðal erlendra starfsmanna samanborið við innlenda.

• Í sama Morgunblaði bls. 8 var rætt við Margréti Einarsdóttur félagsfræðing og Karen Jacobs, iðjuþjálfa og prófessor við Boston University um afleiðingar vinnu, tölvunotkunar og skólataskna á líkamlega velferð barna og ungmenna.

Stjórn Vinnís þakkar þessu ágæta fólki framlag þess við að vekja athygli á gildi vinnuvistfræðinnar.