11.3.2009 12:51:00 | Höf.: Haraldur A. Haraldsson

Félagsfundur um vinnuvistfræði í skólum
Félagsfundur verður haldinn um vinnuvistfræði í skólum fimmtudaginn 12. mars kl 16:15-17:15. Fundurinn verður haldinn í íþrótta- og olympíumiðstöðinni á Engjavegi 6 í A sal á 3. hæð.

Stjórn Vinnís hvetur alla sem hafa áhuga á að efla vinnuvistfræði tengda skólum; hönnun bygginga og vinnuumhverfis og vinnuskipulags starfsmanna og nemenda til að koma á fundinn.

Áhugi hefur verið innan Vinnís að stofna fag- og áhugamannahóp innan félagsins  til að vinna að því að auka  vinnuvistfræðilega nálgun og gæði við hönnun skólaumhverfis, skipulag skólastarfs og um leið að bæta líðan og heilsu barna, unglinga og starfssmanna skóla.

Markmið fundarins er að stofna áhugamannahóp til að vinna að þessum málum.

Hjálagt er minnisblað frá fyrsta fundi um stofnun áhugahóps um vinnuvistfræði í skólum ásamt skýrslu vinnuhóps um vinnuvistfræði í skólum áNES 2008 abstrakt frá meisaraverkefni sem fjallar um inniloft í grunnskólum.

• Report on the Nordic Ergonomics Society (NES) 2008. Workshop on Ergonomics for Schools in the Nordic countries
• Fundur haldinn til að kanna áhuga á stofnun áhugahóps um vinnuvistfræði í skólum.
• Ergonomics for schools
• Loftgæði í grunnskólum Reykjavíkur/ Indoor Air Quality in Junior High Schools in Reykjavik.

Bestu kveðjur
Sjáumst á félagsfundi Vinnís.

Berglind Helgadóttir formaður Vinnís