Svo nefnist fyrirlestur sem Steinunn Hrafnsdóttir, dósent í félagsráðgjöf heldur í boði Rannsóknastofu í vinnuvernd mánudaginn 16. apríl kl. 12 – 13.

Rannsóknir og kenningar sýna að skipulag vinnuumhverfis getur haft áhrif á starfsánægju, vinnustreitu, árangur starfs, átök milli vinnu og fjölskyldu og ánægju notenda með þjónustu.

Í fyrirlestrinum fjallar Steinunn um þessi tengsl með hliðsjón af niðurstöðum rannsóknar á vinnuumhverfi stjórnenda í félagsþjónustu á Íslandi. Kynntar verða niðurstöður um starfsánægju, stuðning, hlutverkaátök og vinnustreitu. Niðurstöðurnar verða bornar saman við rannsóknir á Íslandi og frá öðrum löndum.

Fyrirlesturinn byggir á doktorsritgerð Steinunnar sem hún varði við University of Kent. Lagður var spurningalisti fyrir félagsmálastjóra og stjórnendur félagsþjónustu í sveitarfélögum hér á landi með 4000 íbúa eða fleiri. Einnig voru tekin hálfstöðluð opin viðtöl við 16 stjórnendur í félagsþjónustu.

Fyrirlesturinn verður í Háskóla Íslands, Lögbergi stofu 103.

Fyrirlesturinn er öllum opinn.