Evrópsku Vinnuvistfræðisamtökin FEES (www.fees-network.org/) hafa ákveðið að framvegis verði októbermánuður helgaður vinnuvistfræði. Í framhaldi af því hvetja samtökin þjóðir Evrópu til að efna til viðburða í október tengdum vinnuvistfræði.
www.fees-network.org/activities/european-month-of-ergonomics.html.

Vinnuverndarvikan á Íslandi 2007 verður 22-27. október og því upplagt að tengja þetta einnig þeirri viku. Þannig höfum við í stjórn Vinnís hugsað okkur að gera og munum senda frá okkur grein um vinnuvistfræðina almenn og gildi hennar fyrir góðri heilsu.

Þann 8. nóvember 2007 verður „World Usability” dagurinn haldinn í þriðja sinn og ber hann yfirskriftina „Making life easy!” Þennan dag verður athyglinni beint að heilbrigðisþjónustu og mikilvægi þess að sníða þjónustu að þörfum sjúklinga. www.worldusabilityday.org/

Stjórn Vinnís hvetur félagsmenn og aðra sem áhuga hafa á málefninu eindregið til að vera virka og sýnilega í fjölmiðlum og fagtímaritum í október og nóvembermánuði hvort sem er á vinnustöðum eða opinberlega.