Vinnís ákvað í tilefni 10 ára afmælis félagsins á s.l. ári að veita verðlaun til háskólanema fyrir verkefni sem hafa vinnuvistfræðilegt gildi og þykir skara fram úr öðrum á því sviði. Verðlaunin verða veitt í fyrsta skipti 1. mai nk, en sambærilegar viðurkenningar hafa verið veittar á Norðurlöndum á undanförnum árum.

Fyrstu verðlaun eru 100.000 kr og gefa vinningshafa tækifæri til að taka þátt í samkeppni um norræn stúdentaverðlaun sem verða veitt á norrænu vinnuvistfræðiráðstefnunni NES 2008 sem haldin verður í Reykjavík 11.-13.ágúst nk.

Allir nemar, íslenskir og erlendir í íslenskum háskólum og íslenskir háskólanemar í erlendum háskólum geta sótt um Vinnís stúdentaverðlaunin. Við hvetjum alla nema  til þátttöku sem unnið hafa verkefni sem snertir vinnuvistfræði á einhvern hátt. 

Sá umsækjandi sem reynist hlutskarpastur þeirra sem uppfylla skilyrði til stúdentaverðlauna NES, verður sjálfkrafa fulltrúi Íslands til norrænu verðlaunanna (sjá reglur NES). 

Sjá meðfylgjandi bréf.